（Big Day最大的感恩... 皮膚正常了🥺）
相信有濕疹/ 戒類中嘅朋友仔會知道，皮膚正常，對我們而言係幾咁艱難嘅嘅一件事🥺
7-8年前第一次戒類固醇、2019年頭因再次戒西藥和類固醇而全面停工休息... 😢
一直以來，我最大嘅心願，就係身體同皮膚回復健康，可以正常生活，好似正常人咁化妝扮靚、結婚Big Day 靚靚示人、擁有幸福嘅新婚生活... 我一直同自己講，忍啦、忍下啦、忍下就會過，我一定會好返！！！忍佐現在嘅小小辛苦，將來我嘅人生就會好舒服，唔需要再靠藥物都可以健健康康！
我知道個天對我都唔係太絕，每一次喺重要時刻、我真係好需要個樣正常嘅日子，我個樣都總算見得下人嘅😅
上年年頭發作，我都仲好有耐性，因為我知道自己啲皮膚真係好堅，大起大落咁多年，皮膚好嘅時候真係完全不留濕疹痕跡😂 我只希望12月Big Day 果時係見得人就得😂
發到7-8月，我開始擔心Big Day, 要厚妝示人，仲要係面對面見到咁多賓客，知道化妝品都幫唔到咩手，最緊要係自己皮膚質素好😞
喺呢個時間點，我又突然康復了😂 8-9月開始我嘅皮膚一日比一日好，到10-11月係穩定到可以講係5年來最好狀態🤩 我又開始充滿希望，當然，日日都努力護膚、一星期做一次Facial、再兩個月減肥大計eat clean eat healthy，眼見皮膚質素一日比一日好，體型又fit 佐，我個心都安定少少😅
到Big Day 前兩日，當晚我第一次喺新居過夜，竟然敏感！！！可能係身體始終比較sensitive, 未習慣新環境吧😞 嚇到我立即狂用急救護膚品，再同化妝師溝通....我都盡量保持好心情，唔好太緊張.... 到大日子前一晚，我仲因為誓言而失眠😂 其實Big Day 前一星期都忙到冇覺好瞓....
到佐大日子朝早～如常敷mask~ 見到皮膚都算九成穩定，安心了🥳 最後化妝師嚟到，上完底妝，竟然同我講：你皮膚好好喎！好貼妝呀，一啲問題都冇！因為佢都見過我勁爛面的日子～好感恩喺重要日子，皮膚同身體都生生性性呀🤩🙏🏻🙏🏻🙏🏻
結果當日，因為人數所限，出席嘅都係最親密嘅朋友，全部都見證過我咁多年嚟大起大落嘅狀態，大家都大讚我瘦咗、皮膚又靚佐，我真係感動到想喊🥺 瘦佐係唔食嘢就得，但皮膚靚佐，真係付出佐好多好多努力、堅持、時間同淚水...🥺🥺🥺 甚至係無限金錢.....💸💸💸
🥳我 真 係 好 多 謝 咁 多 年 努 力 的 自 己！🥳
特別想喺呢度公開講，各位同路人，仲喺水深火熱之中嘅戒類朋友仔，要深信自己身體嘅復原能力！你哋睇我之前爛成咁，都可以完全冇事，靚靚咁樣出嫁呀！！😂😂😂
又不過～我都知自己皮膚仲係好脆弱，當日幾個鐘註冊儀式完成後，夜晚我未落妝，已經覺得啲皮膚痕痕地😂 落完妝真係紅佐一撻撻～好再休息一晚又冇咩事了🙈 睇嚟皮膚仲係頂唔順全妝～希望呢幾個月再養返好啲，因為預計5月中式儀式+夜晚擺酒，要撐足全日了🙈
** 呢兩張相係親愛的MUA Echo 幫手影嘅～零P圖直出～謝謝你的巧手，當日個妝個個都讚😘
Search